Saturday 8 February 2014

சம(ன்) பந்தி போஜனம்!

சம(ன்) பந்தி போஜனம்!
அகத்தே புற உலகம் குறித்து
உரத்த சிந்தனை ஏதுமில்லை!
தீராது பசித்தாலும் - உயிர்களை
ஒதுக்கும் நிந்தனை, பேதமில்லை;
உலகத்தில் உயிர்கள் எல்லாம்
உணர்வினால் சமமே என்று
செயலாலே விளங்கச் செய்யும்
இவன் கடவுளன்றி வேறில்லை!
ரவிஜி…!
(புகைப்பட உதவி: வெங்கட் நாகராஜ் அவர்களின் வலைப்பூ)
(படத்தின் முன்பாக வார்த்தைகள் தோற்றுப் போகின்றன நண்பரே)

Friday 7 February 2014

எல்லைக(ல்)ள்…?!

எல்லைக(ல்)ள்…?!
இனங்கள், மதங்கள், நிறங்கள்
மொழிகள், தேசங்கள்… என்று
(து)வேஷங்கள் பலவாகும்.
பெற்ற அன்னையின் பாசமென
பெற்றெடுத்த ம(க்)களின் நேசமென
மனிதம் ஒன்றே அளவானால்
‘எல்லை’க(ல்)ள் ஏதுமின்றி
ஒன்றாய் உருமாறும் – உலகம்.
ரவிஜி….
(புகைப்படம் – நன்றி கூகிள்)

Wednesday 5 February 2014

இடமாறு(ம்) தோற்றப்பிழை…!



இடமாறு(ம்) தோற்றப்பிழை…!
ஜன்னலோரத்து இருக்கையில்
ரசிக்கும் பயணியாய் நான்.
பிரிக்கும் கம்பிகளின் ஊடாக
கையழுத்தி… கையசைத்து…
திரும்பித் திரும்பிப் பார்த்தபடி
விடை’ பெற்றுச்சென்ற நீ…
ஓடும் ரயிலின் எதிர்திசையில்
இடமாறு தோற்றப் பிழையென
விரைந்து மறை(ற)ந்த ம(ன)ரங்கள்.
நிறம் மாறும் மனிதர்களை
தினம் சுமந்து தடம் பிடித்து-
தினமும் ஓடிடும் புகைவண்டி;
மனம் மாறா என் நிலையோ
போக்கற்று தாளாது தள்ளாடும்
வாழ்க்கை ‘விடை’ வேண்டி..!

ரவிஜி…

(புகைப்படங்கள் : நன்றி கூகிள்)

நிழல்கள்…!



நிழல்கள்…!

நிழலும் போடும்
இரட்டை வேடம்;
மனிதன்...!
மனிதம்…?
ரவிஜி…
(புகைப்படம் 1 & 2 : நன்றி கூகிள்
புகைப்படம் 3 : ரவிஜி...)